Dienstag – Tag 3

Hallo zäme!

Hüt Morge simmer alli topfit in Tag gstartet. Euse ersti Block isch en richtig Interessante gsi. Mer hend ganz vill über eusi Umwelt und Recycling glernt. Am Namitag hets e Schnee Olympiade geh, wo mer Vollgas geh hend. In Gruppe gegenand ahtrete, das isch mega lässig gsi. Zum Znacht hets feini Pizza geh. Mit volle Pizzabüch hets es riise «Gümmel geg de Globi» geh. Als Prisli hemmer Sponsoregschänkli becho, danke!

Zum Dessert hets no Schoggi- und Vanillecreme geh. Hüt hemmer richtig vell glachet und sind würklich müed is Bett. Schnee hets au no vell gha, hoffentlich tuets nomal schneie.

Bis morn und guet Nacht wünschet d Quokkas

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.