Donnerstag – Tag 5

„D’Leiter hend eus am Morge voll motiviert und mit Musig gweckt. Denn hemmer en super feine Brunch gha mit Speck, Rüehrei und alle drum und dra. Denn hemmer ca. 4 Stunde zit gha zum Spieli spiele, dusche und rede. Am 13:00 hets en chline Snack geh für die wo Hunger gha hend. Spöter am Namittagsblock hemmer verschiedeni Tänz gmacht. Denn simmer retour gange. Eusi Gruppe het d’Ufgab becho, s’Zimmer schön herzrichte, will de Rafi dinne s’Zimmer für de Abigblock brucht het. Will mer no en BH hänke loh hend, hends nachgfröget was mit dem isch. Am Schluss hend alli en Lachflash becho. Es het verschiedeni Poste gha und es paar Jungs hend sich sogar schminke & Nägel mache lah. Nachher isch Nachtrueh gsi und d’Leiter hend no es Lied gsunge.“

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.