Sonntag – Tag 1

Ahreis Tag im Wila 2019 — Tag 1

 

Mer sind am Sunntig Morge alli zäme am 9nii in Bade uf de Zug. Mit Sack und Pack hemmer eus uf de Weg richtig Därstette gmacht. Wommer acho sind hemmer churz Zmittag gässe und sind den direkt uf d Spielwiese go Brennball im Schnee spiele. Nachem Pferderenne hemmer dörfe i eusi Zimmer gah und mer hend eus ihgrichtet. Pudelwohl ide Trainerhose hemmer denn d Lagerregle zämetreit. Euse ersti Block isch en kreative gsi. Mir hend  s Ässzimmer dekoriert und Briefchäste für d Zimmer bastlet, damit mer hoffentlich mal es Brieflii vom Globi bechömet. Nach em Bsuech vom Globi hemmer bizeli Ziit gha für eus. Zum Znacht hets Älplermagrone mit Öpfelmuess geh. Nacher isch 1,2 oder 3 ufem Programm gstande. Das isch mega lustig gsi. Zäh putzt het jede amene andere im Chreis. Zum Glück hemmer nacheputzt, well de feini Lebchueche wos geh het, wär süscht schön ide Zäh hänge blibe. Wommer mitem Pyjama im Bett gläge sind, hend eus d Leiter no vorgsunge.

Guet Nacht und bis morn 😉

& es Grüessli vo de Quokkas 🙂

 

 

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.